په هرات کې د «ابوعلي سينا» ښوونځي بيا رغونه د ملګرو ملتونو په مرسته پيل شوه
د هرات ولايت د انجيل ولسوالۍ په «ابوعلي سينا» ښوونځي کې له زلزلې وروسته چې دغه ښوونځی يې ويجاړه کړی و، ۵۰۰ زدهکوونکو په ناڅاپي ډول خپل ټولګي له لاسه ورکړل او له زدهکړې پاتې شول. دا زلزله ددې سيمې له وروستيو ډېر زيانمنو طبيعي پېښو څخه شمېرل کېږي.
اوس د ملګرو ملتونو د بشر مېنې ادارې (UN-Habitat) د افغانستان لپاره د ملګرو ملتونو د ملاتړ صندوق (UN-STFA) مالي همکارۍ سره، د نوي ښوونځي د بيا رغونې کار د همدغه ښوونځي په پخواني ځای کې پيل کړی دی. دا نوی ښوونځی داسې طرحه شوی چې د زلزلې په ګډون طبيعي پېښو پر وړاندې لوړ مقاومت ولري او زدهکوونکو ته دوامداره زدهکړو اسانتياوې برابرې کړي.
طالبانو سره له دې چې په ظاهري ډول د عامه خدماتو مسووليت پر غاړه لري، خو د ښوونځيو په بيا رغونه او د زدهکړې په ملاتړ کې يې هېڅ ابتکار يا اغېزمن اقدام ندی کړی. د ښوونې او روزنې په برخه کې دا بېپامي، په خاص ډول د طبيعي پېښو وروسته، د خلکو او نړيوالو بنسټونو جدي اندېښنې راپارولې دي.
په داسې حال کې چې د افغانستان د ښوونې نظام بېړنۍ ملاتړ او اغېزمنې طرحې ته اړتيا لري، د UN-Habitat په څېر نړيوالو بنسټونو حضور زيانمنو کورنيو ته بيا هيلې ورکړي دي. کارپوهانو ټينګار کړی چې د دا ډول مرستو دوام کولای شي د طالبانو له خوا د بنسټيزو خدماتو د نشتوالي خلا تر يو حده ډکه کړي.
