مهم خبرونهنړیوال
په لبنان کې د اسراییلو د بریدونو له زیاتېدو وروسته ۸۸۶ کسان وژل شوي
د لبنان د روغتيا وزارت وايي، له ۲۰۲۶ د مارچ له دوهمې نېټې راهيسې، د اسراییلو د بريدونو د زياتېدو له امله په دغه هېواد کې ۸۸۶ کسان وژل شوي دي. د رسمي معلوماتو له مخې، په همدې موده کې ۲۱۴۱ تنه نور هم ټپيان شوي دي.
دغه وزارت په يوه اعلاميه کې زياته کړې ده چې د قربانيانو په منځ کې ۳۸ تنه د روغتيايي برخې کارکوونکي هم شامل دي، چې د دندې د ترسره کولو پر مهال وژل شوي دي. همدارنګه، ۶۹ روغتيايي کارکوونکي په دغو بريدونو کې ټپيان شوي دي.
لبناني سرچينې وايي، د بريدونو له دوام سره د ملکي وګړو د حالت او د درملنې مرکزونو د خونديتوب په اړه اندېښنې زياتې شوې دي. تازه شمېرې ښيي چې په اغېزمنو سيمو کې پر روغتونونو او روغتيايي خدمتونو فشار لا هم د زياتېدو په حال کې دی.
