ايتاليا د افغانستان د ځانګړي صندوق لپاره ۲.۴ ميليونه يورو مرسته اعلان کړه
د ملګرو ملتونو د افغانستان ځانګړي صندوق ويلي چې د ايټاليا حکومت دې صندوق ته ۲.۴ ميليونه يورو مرسته کړې ده. د دغې مرستې موخه د کلتوري ميراث د ساتنې، د بشري مېشتځایونو د ښهوالي او د اقليمي بدلونونو سره د تطابق وړ اقتصادي لارو د پياوړتيا له لارې د سيمهييزو ټولنو ملاتړ کول دي.
د اعلاميې له مخې، دا بودجه د افغانستان د ځانګړي صندوق (UN Special Trust Fund for Afghanistan) له لارې مديريت کېږي او تمرکز يې پر هغو پروژو دی چې د اوسېدونکو د ژوند د شرايطو د ښهوالي، د اقليمي بدلون په وړاندې د زغم د زياتوالي او د پايداره معېشتونو د ملاتړ لپاره کار کوي.
افغانستان په وروستيو کلونو کې له جدي اقتصادي، چاپېريالي او ښاري ستونزو سره مخ شوی، او نړيوال بنسټونه هڅه کوي د همدې ډول مالي سرچينو له لارې د زيانمنو ټولنو عاجلې او منځمهاله اړتياوې پوره کړي. د ملګرو ملتونو ځانګړی صندوق له هغو ميکانيزمونو څخه دی چې د مرستهکوونکو هېوادونو مالي مرستې د افغانستان ځانګړو پرمختيايي او بشردوستانه پروژو ته لېږدوي.
