زرګونه اسراييليان د جګړې له امله د سينا دښته ته تللي دي
د اسراييلي رسنيو د راپورونو له مخې، د جګړې د دوام او د امنيتي اندېښنو د زياتېدو په ترڅ کې، زرګونه د اسراييلو اوسېدونکي د دې رژيم تر کنټرول لاندې سيمې پرېښې او د مصر سينا دښتې ته تللي دي.
د «کان» تلويزيوني شبکې ويلي، د جګړې دوام او د بريدونو وېره ډېری وګړي دې ته اړ کړي چې د امن او آرامۍ په لټه کې، دغه سيمه د موقتي استوګنې لپاره خپله موخه وټاکي. د دې رسنۍ په وينا، د نښتو د کچې زياتوالی په دغو کډواليو مستقيم اغېز کړی دی.
د خپاره شوي راپور له مخې، د پوځي تاوتريخوالي شدت د دې لامل شوی چې يو شمېر کورنۍ د جګړې د پايلو څخه د ژغورنې لپاره له جګړهزو سيمو بهر وتښتي. سينا دښته چې د مصر په شمال ختيځ کې موقعيت لري، په تېرو کلونو کې هم کله ناکله د ځينو ګرځندويانو او هغو کسانو لپاره چې بېړني حالتونه تجربه کوي، د موقتي استوګنې ځای ګرځېدلی دی.
دا پېښې په داسې حال کې رامنځته کېږي چې روانه جګړه د ملکي وګړو د امنيت اندېښنې زياتې کړي او د خلکو يو نوی کډوالۍ څپې له ځان سره راوړې دي.
