د اسرائيل وروستي بمباردونه؛ د لبنان ختيځ او سويل کې د تلفاتو زياتوالی
د لبنان د روغتيا وزارت اعلان کړی چې د اسرائيلو د وروستيو بريدونو له امله د دې هېواد په ختيځ کې د بقاع ولايت د «النبي شيت» سيمه کې لږ تر لږه ۱۲ تنه وژل شوي او ۳۳ تنه نور ټپيان شوي دي. دغه وزارت ټينګار کړی چې د بريدونو د دوام له امله د قربانيانو شمېر په زياتېدو دی.
د خپرو شويو معلوماتو له مخې، د اسرائيلو جنګي الوتکو پرون څو ځله د «النبي شيت» سيمه بمبار کړې ده. په عين وخت کې، د لبنان سويل ته په ښارګوټو «کفررمان»، «حبوش»، «کفرتبنیت» او «صریفا» هم هوايي بریدونه شوي دي.
د روغتيا وزارت همدارنګه راپور ورکړی چې د اسرائيلو د وروستيو بريدونو له امله په ټول هېواد کې د وژل شويو شمېر ۱۲۳ تنو ته او د ټپيانو شمېر ۶۸۳ تنو ته رسېدلی دی. دغه شمېره د جګړې د پراخېدو او د ملکي وګړو د وضعیت په اړه د اندېښنو د زياتېدو څرګندونه کوي.
دا تازه بریدونه په داسې حال کې ترسره کېږي چې د لبنان ختيځ او سويل سيمې په وروستيو ورځو کې د پوځي تاوتريخوالي د زياتېدو شاهدې وې، يوه وضعه چې د سيمې د اوسېدونکو او د ملکي زېربناوو د امنيت په اړه اندېښنې زياتې کړې دي.
