مهم خبرونهنړیوال
د عراق د پارلمان غړي د حشد الشعبي د امنیتي رول ستاینه وکړه
د عراق د پارلمان یو غړی وايي چې د حشد الشعبي ځواکونه د دغه هېواد د امنیتي سیستم له مهمو ستنو څخه دي او د ترهګریزو ګواښونو په مهار کې مهم رول لوبوي. مختار الترکماني، د عراق د پارلمان غړي، رسنیو ته ویلي دي چې دغه ځواکونه په تېرو کلونو کې د ترهګرو ډلو پر وړاندې له اغېزمن مقاومت سره د عمومي امنیت د ساتنې توان لري. د هغه په وینا، د حشد الشعبي کړنې ښيي چې دا یو ملي ځواک دی چې په بېلابېلو امنیتي برخو کې له فداکارۍ سره فعالیت کوي او په خورا حساسو پړاوونو کې یې د ناامنیو د پراخېدو مخه نیولې ده. الترکماني ټینګار کړی چې د دغو ځواکونو ملاتړ او ساتنه یو ملي مسؤولیت دی، ځکه حشد الشعبي نن د عراق د امنیتي جوړښت نه بېلېدونکی برخه ده او هغه هڅې چې د خلکو په منځ کې د دې ځواک د کمزوري کولو لپاره کېږي، د ده په خبره، بریالۍ نه شي.
