معاریو: د اسرائیل شاتګ له غزې مشروط د حماس بېوسلې کېدو ته دی
یو اسرایيلي ورځپاڼې راپور ورکړی چې د اسرایل پوځ به تر هغه وخته له غزې څنډې نهوزي، څو حماس بېوسلې نهشي. د دې رژيم د چارواکو په باور، نړیوال ځواکونه هم د فلسطیني مقاومت د بېوسلې کولو توان نهلري.
د معاریو ورځپاڼې د یوه اسرایيلي سرچینې له خولې لیکلي چې د دې تصور کول، چې یو نړیوال ځواک دې د زور په کارولو حماس بېوسلې کړي، له واقعي شرایطو لرې خبره ده. د سرچینې په وینا، د جګړې د ډګر وضعیت او د فلسطیني مقاومت جوړښت دا کار د بهرنیو ځواکونو لپاره ناشونی کړی دی.
راپور ټینګار کوي چې اسرایل، د اوربند د چوکاټ له ژمنو سره برعکس، تر هغه به له موسوم «ژېړ کرښه» شا نهاخلي څو حماس خپلې وسلې پر ځمکه نهکېږدي. دا دریځ څرګندوي چې تلاویو د غزې په هر ډول پوځي بدلون کې بشپړ بېوسلې کول ضروري شرط ګڼي.
معاریو زیاته کړې، که سیاسي کړکېچ دوام ومومي او د حماس د بېوسلې کولو پر سر کوم توافق رانهشي، او یا هم د نړیوالو ځواکونو د ځای پر ځای کولو لپاره عملي طرح موجوده نهوي، نو اسرایل به بل بدیل ته مخه کړي؛ داسې بدیل چې د بیا رغونې هڅې به یوازې هغو سیمو ته متمرکزوي چې د دې رژیم تر ولکې لاندې او د ژېړ کرښې دننه دي.
