ايران د حيفا، تلابيب او په کويت کې د امريکا پر اډې د بېپيلوټه بريدونو خبر ورکړ
د ايران د اسلامي جمهوريت پوځ اعلان کړی چې د بېپيلوټه الوتکو په عملياتو کې د حيفا او تلابيب ښارونو يو شمېر سيمې او همدارنګه په کويت کې د امريکا اړوند مرکزونه په نښه شوي دي. دا خبر د دې پوځ د اتلسمې اعلاميې پر بنسټ خپور شوی دی.
د مهر خبري اژانس په ګډون د ايراني رسنيو د راپور له مخې، د ايران هوايي او سمندري ځواکونه په تېرو ساعتونو کې د انهدام وړ بېپيلوټه الوتکو په کارولو سره له مخکې ټاکل شوي هدفونه په نښه کړي دي.
په اعلاميه کې ويل شوي چې په دغو هدفونو کې د امريکا مرکزونه او اډې په کويت کې د عريفجان په کمپ کې شامل وو، چې د مهماتو او تجهيزاتو زېرمتونونه، دفاعي پوستې، د برېښنايي معلوماتو د راټولولو مرکزونه او د استوګنې خېمې پکې شاملې وې.
تر د خبر د خپرېدو د وخت پورې، د دغو بريدونو د احتمالي تلفاتو يا زيانونو په اړه له خپلواکو سرچينو هېڅ جزئيات نه دي خپاره شوي. همدارنګه د امريکا يا اسرایيلو چارواکو تر اوسه په دې اړه رسمي غبرګون نه دی څرګند کړی.
