ایران د بلخ د زلزلهځپلو سره د مرستو لپاره چمتووالی څرګند کړی
ایران له بلخ ولایت د خُلم ولسوالۍ د قوي زلزلې وروسته د دغې طبیعي پېښې له قربانیانو سره خواخوږي څرګنده کړې او د بشري مرستو د لېږلو لپاره یې چمتووالی اعلان کړی.
د ایران د بهرنیو چارو وزارت ویاند، اسماعیل بقایي، په یو خپور شوي پیغام کې د زلزلې د قربانیانو له کورنیو سره د خپل هېواد همدلي څرګنده کړې او ویلي یې دي چې د اسلامي جمهوریت ایران د ژغورنې او بشري مرستو په بهیر کې د همکارۍ لپاره چمتو دی.
همداراز، د ایران د هلال احمر ټولنې مشر، پیر حسین کولیوند، په یو رسمي پیغام کې د افغانستان د هلال احمر مشر ته د دغې زلزلې له امله تسلیت ویلی او د ژغورنې ټیمونو، مرستندویه کارکوونکو او اړینو تجهیزاتو د لېږلو لپاره یې چمتووالی ښودلی.
په دې پیغام کې د تیرې شپې زلزله چې د ۶.۳ ریشتر په کچه وه او د افغانستان شمال یې ولړزاوه، یوه فاجعه بلل شوې چې نه یوازې انساني تلفات یې اړولي، بلکې سیمهییزو بنسټونو ته هم زیان رسولی دی. د ایران چارواکو ټینګار کړی چې په دې سختو شرایطو کې د افغانستان له خلکو سره ولاړ دي.
خو بیا هم، د طالبانو اداره چې دا ولایت یې تر کنټرول لاندې دی، تر دې دمه د نړیوالو مرستو وړاندیزونو ته ښکاره او د قناعت وړ غبرګون نه دی ښودلی. د دغې ادارې غیرشفاف او بېکفایته کړنو د مرستو رسونې او نړیوالو مرستو بهیر ته اندېښنې زیاتې کړې دي.
