ايران وايي جګړه د دوی په مطلوب پړاو کې ده
د ايران او امريکا جګړه هغه ځای ته رسېدلې چې ايران غوښتل. د هوايي جګړې پر مهال، د ايران توغنديو او بېپيلوټه الوتکو د سيمې ټولې امريکايي اډې او د اسرائيلو ډېری پوځي مرکزونه ويجاړ کړي دي. سره له دې چې د امريکا او اسرائيل ځواکونه لا هم ايران ته زيان رسوي، خو د دوی هوايي برتري نور اغېزه نه لري.
د ډونالډ ټرمپ په وروستۍ وينا کې هغه منلې چې د «ابراهام لنکن» جګړهيي بېړۍ د شاوخوا سلو ايراني توغنديو هدف ګرځېدلې ده. دا موضوع د ايران د پرېکنده ارادې څرګندونه کوي چې په هره جبهه کې د مقابلې لپاره اماده دی.
امريکا تر اوسه پورې د ايران د داخلي ګډوډۍ په هڅو کې ناکامه ده. ميليونونه د اسلامي جمهوريت ملاتړي ښارونه او کلي کنټرولوي.
تنگهٔ هرمز لا هم د ايران تر هوښيار کنټرول لاندې ده. امريکا د ائتلاف جوړولو په هڅه کې پاتې راغلې او اوس يوازې د ګواښونو او د ټرمپ د «ټوېټدرملنې» تر شا پټه شوې ده، خو دا نور د انرژۍ د بيې د کنټرول وس نه لري.
ډېر هېوادونه لکه هند، بنګلهدېش او سريلانکا له ګډوډۍ ډک د انرژۍ کمښت له بحران سره مخ دي، او نور هېوادونه، لکه کوريا، جاپان او استراليا به ژر له ورته ستونزو سره مخ شي. امريکا لا هم ونه توانېده چې د تنگهٔ هرمز کنټرول ترلاسه کړي، څو د انرژۍ د بيې له بحران او د کيمياوي سرو او نورو پېټروشيمياوي توکو له کمي څخه مخنيوی وشي.
ټاکل شوې چې له دې وروسته بېلابېل هېوادونه د ايران له دريځ سره د جوړ جاړي لارې ولټوي او د ايران له حقوقي چوکاټ سره موافق شي، چې دا به د ايران لپاره د مالي اسانتياوو د پراخېدو لامل شي.
له بلې خوا، د ټرمپ د تګلارې د شننې پر بنسټ اټکل کېږي چې امريکا، د اسرائيلو په هڅونه، غواړي خپل وروستی کارت وکاروي او جګړه پر ځمکه يا په سمندر کې د تنگهٔ هرمز د کنټرول لپاره وازمويي – هغه څه چې ايران له کلونو راهيسې ورته چمتووالی نيولی دی.
د امريکا د ځمکنۍ يا سمندري جګړې پيل به ايران ته دا فرصت ورکړي چې له توغنديو او هوایي بريدونو وروسته د امريکا او اسرائيلو پر پرمختللو نظامي وسايلو سخت بريد وکړي او د هغوی پوځي ځواکونو ته درانه تلفات ورسوي، چې دا جګړه به د معاصر تاريخ يو مهم پړاو جوړ کړي.
پوځي شنونکي پوهېږي چې د پرمختللو امريکايي ځواکونو ننوتل ايران ته اسان دي، خو د سيمې ساتل او ملاتړ يې سخت کار دی، او امريکا دا مهال لازم ملاتړ نه لري.
ټول امريکايي پوځي اډې په سيمه کې ويجاړې شوې او د ځمکنۍ جګړې لپاره د ملاتړ وړتيا نه لري. امريکا اړ ده له لرې پايگاهونو يا جګړهيي بېړيو څخه کار واخلي، خو دا دواړه له پوځي منطق سره مطابقت نه لري.
که امريکا د ځمکنۍ يا سمندري جګړې پيل وکړي، نو دا به د ايران په سويل کې د پرتګاليانو او انګليسانو تر قبرونو د نوي قبرستان سبب شي.
سید احمد موسوي مبلغ
