هندي پانګهوال غواړي په کندهار کې د ودانۍ رنګ توليد فابريکه جوړه کړي
د کندهار د صنايعو او معادن رياست ويلي، يو شمېر هندي مسلمان پانګهوال غواړي چې په دغه ولايت کې د ودانۍ د رنګ په توليد کې پانګونه وکړي. د چارواکو په وينا، دا ګام کولای شي د ودانۍ د صنعت د ودې لامل شي.
سيد سرور اماني، د کندهار د صنايعو او معادن د خونې رئيس، د دغو پانګهوالو سره په کتنه کې ويلي چې دغه اداره د دې سکتور له پانګونې ملاتړ کوي او د شتو امکاناتو په چوکاټ کې د همکارۍ چمتووالی لري.
نوموړي همدارنګه ادعا کړې چې له هغه وروسته چې د طالبانو اداره په افغانستان باندې واکمنه شوه، يو شمېر بهرنيو پانګهوالو د پانګونې ليوالتيا څرګنده کړې ده؛ په ځانګړي ډول له هند، چين او يو شمېر نورو هېوادونو څخه پانګهوال. دا په داسې حال کې ده چې د حقوقي روڼتيا نشتوالی، نړيوال بنديزونه او پراخې محدوديتونه لا هم د افغانستان د بهرنۍ پانګونې جدي ننګونې ګڼل کېږي.
د سيمهييزو چارواکو په وينا، که دغه پانګونه عملي شي، نو د ودانۍ د رنګ په برخه کې به د معياري توليداتو زمينه برابره شي او سيمهييزو اوسېدونکو ته به نوې دندې رامنځته شي؛ يو داسې پرمختګ چې د اقتصادي رکود په شرايطو کې کولای شي د سيمهييزو کارګرانو لپاره مهم وي.
