د ILO روزګارې روزنې ۱۵۰ پخوانیو معتادینو ته د بیاځلي ادغام زمینه برابره کړه
د کار لپاره نړیوال سازمان (ILO) ویلي، چې په افغانستان کې یې د فني او تجارتي مهارتونو په برخه کې د زدهکړو پروګرامونه پیل کړي، ترڅو د نشهيي موادو ۱۵۰ پخوانیو کاروونکو ته د رغېدو او ټولنې ته د بېرته ورګرځېدو په بهیر کې ملاتړ برابر کړي.
د دې پروګرام له مخې، ګډونوالو ته د کار مهارتونو او کاروبار پېلولو په اړوند زدهکړې ورکړل شوې، ترڅو وکولای شي له اعتیاده تر خلاصون وروسته د ځان لپاره کاري زمینه برابره کړي او خپل معاش تأمین کړي. دا روزنیز پروګرامونه د اقتصادي تړاو د راکمولو او د ځانبساینې د پیاوړتیا لپاره جوړ شوي دي.
افغانستان په وروستیو کلونو کې د نشهيي توکو له پراخه اعتیاد سره مخ دی، او د اغېزناکو ملاتړ کوونکو پروګرامونو نشتوالی، د رغېدلو کسانو پر ټولنه د بیا ورګډېدو بهیر ستونزمن کړی دی. په دې وضعیت کې د نړیوالو بنسټونو ونډه د دې خلا د ډکولو لپاره مهمه شوې ده.
کارپوهان ټینګار کوي، چې د دغو لاسته راوړنو دوامداره ساتنه د دوامداره ملاتړ، د واقعي کاري فرصتونو رامنځته کولو او د طالبانو د ادارې لهخوا د ټولنیزو تګلارو او د کار بازار ته جدي پاملرنې ته اړتیا لري؛ هغه موضوع چې تر دا مهاله ورته لازم پام نهدی شوی.
