د پاکستان او ايران ځانګړو استازو د افغانستان په اړه انلاين خبرې کړي

محمد صادق خان، چې د افغانستان لپاره د پاکستان ځانګړی استازی دی، ويلي چې هغه د ايران د اسلامي جمهوريت له ځانګړي استازي محمدرضا بهرامي سره يوې مجازي ناستې ترسره کړې ده.

صادق خان په ټولنيز شبکه اېکس کې په خپاره شوي پيغام کې ويلي، د دغې ناستې اصلي موضوع د سيمه‌ييز امنيت وضعيت او د دوامدار تروريزم له ګواښونو سره تړلې اندېښنې وې.

د ده په وينا، دواړو لورو په دې مجازي غونډه کې د ګډو امنيتي ننګونو په اړه خپل نظرونه تبادله کړي دي؛ داسې موضوع چې په وروستيو کلونو کې او د افغانستان له سياسي بدلونونو وروسته د ګاونډيو هېوادونو لپاره لا ډېره مهمه شوې ده.

تر اوسه د دې خبرو اترو د عملي پايلو يا د دواړو لورو د راتلونکو پلانونو په اړه نور جزئيات نه دي خپاره شوي.