د آلمان شکونه د اروپا د سمندري ماموریت د پراختیا په اړه تر هرمز تنګي پورې
یوهان وادفول، د آلمان د بهرنیو چارو وزیر، ویلي چې د اروپايي اتحادیې د سمندري ځواک د ماموریت د پراخېدو په اړه تر هرمز تنګي پورې جدي شکونه لري. هغه ټینګار کړی چې د سور بحر د تیرو تجربو له مخې، دا ډول اقدامات تل د امنیت د زیاتوالي لامل نهګرځي.
وادفول د آلمان له «ای آر دي» تلویزیون سره په خبرو کې څرګنده کړه چې هغه ماموریت چې د سوداګریزو بېړیو د تګ راتګ د اسانتیا لپاره د سور بحر په سیمه کې پیل شوی و، «اغېزناک نهو». د ده په وینا، همدا تجربه لامل شوې چې د دې ماموریت د پراختیا احتمالي بریالیتوب ته د شک په سترګه وګوري.
اوس مهال، د ایران له پوځي خبرداري وروسته د سوداګریزو بېړیو تګ راتګ د هرمز په تنګي کې درېدلی دی. هرمز تنګی د نړۍ له مهمو انرژۍانتقالوونکو لارو څخه ګڼل کېږي او هر ډول ګډوډي پکې کولای شي د نړیوالو بازارونو پر وضعیت اغېز وکړي.
متحده ایالاتو له نورو هیوادونو غوښتي چې د دې لارې د پرانیستې لپاره د وړاندیز شوې ماموریت په برخه کې همکاري وکړي، خو فرانسه دغه غوښتنه رد کړې ده او تر دې دمه د اروپايي هېوادونو ترمنځ د دې ماموریت د پراخېدو په اړه څرګند توافق نهدی رامنځته شوی.
