فصیحالدین: که پاکستان د اوربند ماتې ته دوام ورکړي، طالبان به ځواب ورکړي
حافظ محمد فصیحالدین «فطرت»، د طالبانو د ادارې د وسلهوالو ځواکونو لوی درستیز، د کوچني اختر په مناسبت په خپل پیغام کې ویلي چې سره له دې چې د افغانستان او پاکستان ترمنځ د ځینو دوستو هېوادونو په منځګړیتوب اوربند اعلان شوی، خو لا هم د ډیورند کرښې په اوږدو کې جګړې او د دې تړون ماتې له خوا د پاکستان دوام لري.
هغه ویلي چې د دې وضعیت تکرار کولای شي اوربند بېمانا کړي، او په هغه صورت کې به د طالبانو اداره «قاطع ځواب» ورکړي. د ده په وینا، د دې پولهيي کرښې په اوږدو کې د شخړو دوام وضعیت نازک ساتلی دی.
ډیورند کرښه چې له د رسمېدو له وخته د افغانستان او پاکستان ترمنځ د اختلاف سرچینه ده، په تېرو کلونو کې هم څو ځله د دواړو غاړو د سرحدي نښتو او د ډزو د تبادلې شاهد پاتې شوې ده. دغه کړکېچونه په داسې حال کې روان دي چې د پولهيي سیمو اوسېدونکي تل له ناامنۍ او بېثباتۍ زیان ویني.
سره له دې چې اوربند اعلان شوی، خو د نښتو دوام څرګندوي چې د دې تړون د څار او پلي کولو لپاره څرګند میکانیزم وجود نه لري؛ دا موضوع یو ځل بیا د طالبانو د ادارې د امنیتي او دیپلوماتیک مدیریت په اړه اندېښنې راپورته کړي دي.
