د ملګرو ملتونو د خوړو او کرنې ادارې: په افغانستان کې نږدې عادي بارانونه او د تودوخې زیاتوالی اټکل شوی
د ملګرو ملتونو د خوړو او کرنې اداره (FAO) وايي، د دې ادارې د نويو ارزونو له مخې، د فبرورۍ له ۱۶مې تر ۲۲مې اوونۍ پورې به د افغانستان لوېديځو او سوېلي سيمو کې د باران اندازه نږدې د عادي کچې په حدودو کې وي او په ځينو سيمو کې به له منځني حد څخه هم لوړه وي، خو د شمالي ولايتونو او د مرکزي ارتفاعاتو سیمې به لا هم د معمول په پرتله وچې پاتې شي.
د دې اټکل له مخې، د هېواد په شمالي برخو او د مرکزي ارتفاعاتو په نوم سيمو کې د باران کچه له فصلي منځني حد څخه کمه اټکل شوې ده، چې دا موضوع کولای شي د اوبو پر سرچينو او د ژمنیو کرنيزو حاصلاتو پر حالت اغېز وکړي.
FAO همدارنګه خبر ورکړی چې د هېواد په کچه د تودوخې په اندازه کې غیرعادي زیاتوالی تمه کېږي. د راپور له مخې، د راتلونکو ورځو په ترڅ کې به د تودوخې درجه له ۱ تر ۸ سانتي ګراده د منځني حد څخه لوړه وي، او کېدای شي د سوېلي ولايتونو په ځينو برخو کې د حرارت درجه له ۲۰ سانتي ګراد څخه هم واوړي.
د دې ادارې په باور، د هوا تودېدل کولای شي د یخبندان خطر راکم کړي او د کرنیزو ځمکو او څرمنو د ودې لامل شي. خو له بلې خوا، د تودوخې زیاتوالی ممکن د غرنیو سیمو واورې ژر وخامخوي، چې له امله یې د واورې زېرمو او د خاورې رطوبت کموالی د موسم په پاتې برخه کې رامنځته کېدای شي.
