د چاپېريال ساتنې رييس د هرات ولايت د ښار او صنعتي سيمو د څېړنې لپاره سفر وکړ
مولوي مطيعالحق خالص، د ملي ادارې د چاپېريال ساتنې عمومي رييس، د يو رسمي پلاوي په مشري هرات ولايت ته سفر کړی دی. د دې سفر موخه د چاپېريال د حالت ارزونه، د قوانينو د پلي کولو څارنه او د ملي نيالګيو کرلو کمپاین پرانېستل ياد شوي دي.
د چاپېريال ساتنې عمومي رياست ويلي چې په دې سفر کې به د چاپېريال ساتنې د قوانينو او مقرراتو د اغېزمن پلي کېدو څرنګوالی په ملي کچه و ارزول شي. د صنعتي او ښاري فعاليتونو ارزونه او د محلي ادارو ترمنځ د همغږۍ پياوړتيا د دې برنامې له نورو محورو څخه دي.
د دې ادارې د معلوماتو له مخې، ښاغلی خالص به د خپل حضور پر مهال په هرات کې له د ولايت له مقام، د سکتوري ادارو له مسؤلينو او يو شمېر چاپېريالپالو فعالانو سره وګوري او خبرې اترې وکړي. همدارنګه ټاکل شوې ده چې ورسره پلاوی به د ځينو پروژو او ښاري او صنعتي تاسيساتو ليدنه هم وکړي.
د چاپېريال ساتنې عمومي رياست ويلي چې له دغو کتنو وروسته به د چاپېريال د وضعيت د ښه کولو په موخه اړين وړانديزونه وړاندې شي. دغه اداره زياتوي چې د عمومي رييس ولايتي سفرونه به د پلان جوړونې، څارنې او د چاپېريال ساتنې پروګرامونو د پلي کولو په هدف دوام وکړي.
