په دارفور کې د نښتو زیاتوالی او د بشري بحران اندېښنې
د سودان په دارفور سيمه کې د پوځي نښتو له زياتېدو وروسته، د بشري حالت د لا خرابېدو په اړه اندېښنې زياتې شوې دي. راپورونه ښيي چې په وروستيو ورځو کې لسګونه ملکي وګړي د دغو جګړو له امله وژل شوي او کډوالو ته د خوندي پناه ځای نهدی پاتې.
رسنۍ راپور ورکوي چې د دارفور د اوسېدونکو د ژوند شرايط نور هم خراب شوي دي؛ خلکو د جګړو له امله له کورونو بېځايه شوي او د سرپناه او بنسټيزو خدمتونو لکه روغتيا او خوړو ته محدود لاسرسی لري. نړيوالو بنسټونو خبرداری ورکړی چې په دغه سيمه کې وضعيت له کنټرول څخه وتلی دی.
د سودان مدني بنسټونه د تاوتريخوالي د دوام له امله اندېښنه ښيي او د ملکي سيمو پر ضد د بريدونو د فوري درولو غوښتنه کوي. دوی وايي چې د جګړې دوام د ملکي وګړو ژوند په مستقيم ډول له ګواښ سره مخ کوي.
دا په داسې حال کې ده چې دارفور تر دې وړاندې هم له ژور بشري بحران سره لاسوګريده، په ځانګړي ډول د روغتيا او خوړو په برخو کې. د راپورونو له مخې، يوازې په تېرې يوې اوونۍ کې د چټک غبرګون ځواکونو او د سودان د پوځ تر منځ په نښتو کې ۱۱۴ تنه وژل شوي دي.
