امنیت او پېښېمهم خبرونه
په دايکندي کې د سکرو د لوګي له کبله څلور زدهکوونکي مړه شول
د طالبانو د دايکندي امنيه قوماندانۍ اعلان کړی چې څلور تنه ځوان هلکان د سکرو د لوګي د مسموميت له امله د دې ولايت په مرکز کې مړه شوي دي. د دې ادارې په وينا، پېښه تېره شپه د نيلۍ ښار د دوهمې ناحيې په يوه استوګنيز خونه کې رامنځته شوې، هلته چې دا څلور تنه په ګډه اوسېدل. د ورکړل شويو معلوماتو له مخې، مړه شوي کسان زدهکوونکي وو او د کانکور ازموينې د تيارۍ لپاره په ياد ځای کې اوسېدل. دا پېښه په داسې حال کې شوې چې د دوديزو تودوخې وسايلو د کارونې له خطرونو څخه د خلکو د نهخبرتيا او د زدهکوونکو د استوګنځایونو د خونديتوب د څارنې د نشتوالي له امله يو ځل بيا اندېښنې زياتې شوې دي؛ هغه موضوع چې د طالبانو اړوند ادارو جدي پاملرنې او مسؤل اقدام ته اړتيا لري.
