امنیت او پېښېمهم خبرونه
په هلمند کې له ۶۰ متري څاه يو ماشوم وژغورل شو
يو ماشوم چې د هلمند ولايت د باباجي ولسوالۍ په يوه ۶۰ متري ژوره څاه کې لوېدلی و، د طالبانو د دفاع وزارت تخنيکي ټيم له خوا وژغورل شو.
د ۲۱۵ عزم قول اردو په خبرپاڼه کې ويل شوي، دا پېښه پرون د باباجي ولسوالۍ د «نري مانده» په سيمه کې رامنځته شوې ده. د سرچينې په وينا، ماشوم له څاه د لوېدو وروسته د تخنيکي ټيم د هڅو په پايله کې له ژورې خلاص شو.
په خبرپاڼه کې زياته شوې چې د ماشوم روغتيايي حالت يې د اطمينان وړ دی. په اړه د پېښې د څرنګوالي او د ماشوم د عمر جزييات تر اوسه نه دي خپاره شوي.
د باباجي ولسوالي د هلمند ولايت اړوند ده، هغه سيمه چې په ځينو برخو کې يې بې له معيار څخه ژورې اوبو څاګانې شته چې د سيمې اوسېدونکو ته د خطرونو سبب ګرځي.
