بریتانیا: د افغانستان د ماشومانو د حقونو ملاتړ کوو
هممهاله له نړیوالې ورځې د ماشوم سره، د بریتانیا د افغانستان لپاره استازولۍ اعلان کړی چې د دغه هېواد ملاتړ له افغان ماشومانو سره دی او له هغو هڅو ملاتړ کوي چې د دوی د حقونو ساتنې او د ژوند د ښه والي لپاره ترسره کېږي.
د بریتانیا ماموریت په خپره کړې اعلامیه کې ویلي چې ټولو ماشومانو ته امن، د کیفیت لرونکې زده کړو ته لاسرسی او یو روڼ راتلونکی حق دی؛ دا هغه حق دی چې د افغانستان ماشومان یې اوسني شرایطو کې له جدي محرومیت سره مخ دي.
د طالبانو د واک ترلاسه کولو وروسته، پر زده کړو، ازادۍ او د اتباعو پر امنیت پراخ محدودیتونه لګول شوي، په ځانګړې توګه پر نجونو، چې له امله یې د میلیونونو ماشومانو د ودې او پرمختګ فرصتونه محدود شوي دي. دا په داسې حال کې ده چې نړیواله ټولنه تل د ماشومانو اساسي حقونه د یوې نړیوالې مشروعیت معیار په توګه ګڼلي دي.
د ماشومانو د حقونو کارپوهان وايي، دا اندېښنه شته چې که موجوده وضعیت له جدي نړیوال ملاتړ او مداخلې پرته دوام پیدا کړي، د افغانستان راتلونکی نسل به د فقر، نالوستۍ او تاوتریخوالي په یوه تلپاتې کړۍ کې بند پاتې شي.
