د بوینګ ۷۷۷ الوتکې په روسیه کې د انجن له اوراخستنې وروسته اضطراري ناسته وکړه

یوه مسافروړونکې الوتکه د بوینګ ۷۷۷ ډول، چې د WZ-3097 پرواز نمبر یې لره، له مسکو څخه د تایلند پوکت ښار پر لور روانه وه، تیره شپه د انجن د اور اخیستنې له کبله اړ شوې چې په مسکو کې د دومودېدوفو هوايي ډګر کې اضطراري ناسته وکړي.

د «Red Wings» هوایي شرکت د معلوماتو له مخې، د پرواز عملې د الوتنې پر مهال د یو انجن په فعالیت کې غیرعادي بدلون ولید او ژر یې پرېکړه وکړه چې الوتکه بېرته سرچینې ته ستنه کړي. دا پر وخت اقدام د یوې احتمالي فاجعې مخه ونیوله.

د روسي چارواکو د راپور له مخې، اور له ځمکې څخه د پورته کېدو شاوخوا څلور دقیقې وروسته پیل شو. بیړنیو ټیمونو وتوانېدل چې اور کنټرول کړي او ټول ۴۱۲ مسافران او ۱۳ عمله له الوتکې څخه خوندي طور وایستل شي.

دا پېښه د سیمې د هوایي کرښو د خوندیتوب په تړاو اندېښنې راپارولې دي. په داسې حال کې چې روسي چارواکي د وضعیت ښه مدیریت خبره کوي، ځینې خپلواکې سرچینې د الوتکې د ممکنه تخنيکي ستونزو راپور ورکړی. نړېوالو بې پرې ادارو ته د دې پېښې د عللو د دقیقې ارزونې اهمیت نور هم زیات شوی.