د بلوڅ ازادۍ پوځ پر پاکستاني پوځي تاسیساتو په څو ښارونو هممهاله بریدونه کړي
د «بلوڅ ازادۍ پوځ» (BLA) په نوم ډلې اعلان کړی چې په يوې همغږې عملياتي حمله کې یې د پاکستان پوځ پوځي تاسيسات د بلوچستان په څو ښارونو کې يو ځلځای په نښه کړي دي. دغې ډلې ويلي چې دغه بريدونه لږ تر لږه په لسو ښارونو کې ترسره شوي او دا د دې ډلي له تر ټولو پراخو عملیاتو څخه یو ګڼل کېږي چې په وروستیو مياشتو کې ترسره شوي دي.
د پاکستان چارواکو ويلي چې د دغه هېواد امنيتي ځواکونو ژر ځواب ورکړی او حالت يې تر کنټرول لاندې راوستی. خو تر د دې راپور تر خپرېدو پورې، د تلفاتو او زيانونو په اړه هېڅ رسمي شمېرې نه دي ورکړل شوې.
په تېرو مياشتو کې د پاکستان امنيتي وضعه خرابه شوې او د وسلهوالو ډلو بريدونه، چې پکې د تحريک طالبان پاکستان او جلا غوښتونکو ډلو لکه د بلوڅ ازادۍ پوځ شامل دي، زيات شوي دي. دغه ناامنۍ زياتره د بلوچستان او خيبرپښتونخوا په ايالتونو کې متمرکزې دي، چې د سيمې اوسېدونکي يې له جدي اندېښنو سره مخ کړي دي.
د پاکستان د شخړو او امنيت د څېړنو انسټېټيوټ (PICSS) د شمېرو له مخې، کال ۲۰۲۵ د دغه هېواد د امنيتي ځواکونو لپاره له تر ټولو خونړیو کلونو څخه ګڼل شوی دی. د راپور له مخې، په دې موده کې ۶۶۷ پاکستاني سرتېري د بریدونو پر مهال وژل شوي، چې دا د ۲۰۱۱ کال راهیسې تر ټولو لوړه شمېره ده؛ همدارنګه د ملکي وګړو تلفات هم ۲۴ سلنه زيات شوي او ۵۸۰ تنو ته رسېدلي دي.
بلوچستان چې د پاکستان تر ټولو لوی، خو له پلوه وروسته پاتې ايالت بلل کېږي، له کلونو راهيسې د سياسي نارضایتۍ او د طبیعي منابعو پر سر د نښتو له امله د وسلهوالو پاڅونونو شاهد پاتې شوی. کارپوهان خبرداری ورکوي چې د وسلهوالو ډلو ترمنځ د همغږۍ زياتوالی ښايي د پاکستان د کورني امنيت ستونزې لا پېچلې او د هېواد ثبات نور هم تر فشار لاندې راولي.
