د بنګله دېش د زدهکوونکو لومړۍ ډله د علامه اقبال سکالرشپ له مخې پاکستان ته ورسیده
لومړۍ ډله د بنګله دېش هغه محصلان چې د «علامه اقبال» سکالرشپ یې ترلاسه کړی، پاکستان ته رسیدلي دي څو د «دهلېز دانش» پروګرام په چوکاټ کې په دغه هېواد کې د مخکښو پوهنتونونو له لارې خپلې لوړې زدهکړې ته دوام ورکړي.
د پاکستان عالي کمیسارۍ په بنګله دېش کې ویلي چې دا اقدام د دواړو هېوادونو ترمنځ د ښوونیزو او فرهنګي اړیکو د پیاوړتیا په موخه ترسره شوی دی. د دې ادارې په وینا، دغه پروګرام د اسلاماباد او ډاکې ګډو هڅو یوه برخه ده چې د ځوان نسل ترمنځ د علمي همکاریو د پراختیا لپاره ترسره کېږي.
د ورکړل شوو معلوماتو له مخې، له دغو محصلانو سره د پاکستان تر داخلېدو وروسته رسمي هرکلی شوی او هیله ده چې په نږدې راتلونکې کې، د بېلابېلو څانګو نور محصلان هم د همدې پروګرام له لارې پاکستان ته ولاړ شي.
د «علامه اقبال» سکالرشپونه د هغو مهمو تعلیمي پروګرامونو له ډلې شمېرل کېږي چې پاکستان د سیمې د هېوادونو محصلانو ته وړاندې کوي. د «دهلېز دانش» هوکړه د پاکستان او بنګله دېش ترمنځ په وروستیو کلونو کې د دواړو هېوادونو د دیپلوماتیکو اړیکو د ښه کېدو له امله رامنځته شوې او موخه یې د علمي تجربو تبادله او د لوړو زدهکړو په برخه کې د سیمې د همکاریو پراختیا بلل شوې ده.
