اقتصادمهم خبرونه
په بلخ کې د سلوفون فابریکې د جوړولو تړون لاسلیک شو
د افغانستان د بلخ ولایت په مرکز مزارشریف ښار کې د خوراکي توکو لپاره د پلاستیکي لېیرونو او سلوفون د تولید فابریکې د جوړولو یو تفاهملیک د افغانستان او ایران د سوداګرو ترمنځ لاسلیک شو.
د دې تفاهملیک له مخې، ټاکل شوې ده دغه فابریکه د مزارشریف ښار په یوه صنعتي سیمه کې جوړه شي او د خوراکي توکو د بسته بندۍ پر تولید تمرکز ولري، هغه محصولات چې د افغانستان په کورني بازار کې پراخ کارول کیږي.
سرمایهګذاران وایي، دا پروژه کولی شي چې د صنعتي فعالیتونو د ښه والي، د دواړو هېوادونو ترمنځ د اقتصادي همکاریو د پیاوړتیا او د ځینو بستهبندۍ توکو په برخه کې د وارداتو د اړتیا د کمولو لامل شي.
د افغانستان شمال ته پرته بلخ ولایت، د خپلې جغرافیایي موقعیت او د سوداګریزو لارو ته د لاسرسي له امله، په وروستیو کلونو کې د صنعتي او سوداګریزو پانګونو یوه مهمه سیمه شوې ده.
