پاکستاني سرچينې: د باجور بريد عامل د طالبانو د ځانګړو ځواکونو غړی و
د پاکستان امنيتي سرچينو تأييد کړې چې د خيبر پښتونخوا ايالت د باجور په سيمه کې د وروستي ځانمرګي بريد عامل د طالبانو د ادارې د ځانګړو ځواکونو يو غړی و. په دې بريد کې لږ تر لږه يوولس پاکستاني سرتېري وژل شوي دي.
د دغو سرچينو په وينا، بريدګر د روانې اوونۍ د دوشنبې په ورځ د چاودېدونکو موادو ډک موټر د پاکستان د سرحدي ځواکونو پر يوه پوسته بريد کې وکاراوه. دغه پېښه د افغانستان له پولي سره څېرمه په باجور سيمه کې رامنځته شوې ده.
په پاکستان کې مېشت د «The StratCom Bureau» اندېښمن مرکز دغه کس سيداحمد نومولی، چې د قاري عبدالله ابوذَر په نوم هم پېژندل شوی او هغه يې د افغانستان تبعه بللی دی.
باجور د افغانستان او پاکستان د پولې په اوږدو کې يوه حساسې سيمه ګڼل کېږي او په تېرو کلونو کې هم د ګڼو امنيتي پېښو شاهده پاتې شوې ده. سره له دې چې د طالبانو اداره څو ځله ژمنه کړې چې د افغانستان له خاورې به د ګاونډيو هېوادونو پر ضد استفاده نه کېږي، خو د دې ډلې د غړو د فرامرزي بريدونو او فعاليتونو په اړه دوامدار راپورونه د يادې ادارې د کنترول او مسئوليت په اړه جدي پوښتنې راپورته کړې دي.
