په ميناب ښار کې د آيتالله سيستاني په لارښوونه نوی مکتب جوړېږي
د آيتالله العظمی سيستاني له دفتره يوه استازو ډله د ميناب ښار ته تللې ده څو د «شجره طيبه» ښوونځي د شهيد زدهکوونکو له کورنيو سره خواخوږي او د يوې غمناکې پېښې له زيانمنو ملاتړ وکړي. د دغې ډلې د سفر موخه دا ده چې په ميناب ښار کې يو نوی مکتب د «امام حسين عليهالسلام» په نوم جوړ شي.
سيد محمدجواد آل احمد، د استازې ډلې غړی، ويلي چې دا اقدام د آيتالله سيستاني د فتوا پر بنسټ تر سره کېږي؛ هغه فتوا چې د ايران د خلکو، جګړهوالو او د جګړې زیانمنو د ملاتړ لپاره ورکړل شوې ده. د ده په وينا، دغه استازولي د آيتالله سيد جواد شهرستاني، چې د آيتالله سيستاني استازی په ايران کې دی، په تدبير او د حجتالاسلام والمسلمين فقيه ايماني په مشرۍ ميناب ته لېږل شوې ده.
د آل احمد په وينا، د دې ښوونځي جوړېدل د آيتالله سيستاني په امر او د عتبه مقدسه امام حسين عليهالسلام په هڅو ترسره کېږي او د چارو بهير به د آيتالله سيد جواد شهرستاني تر څارنې لاندې وي. ويل شوي چې دا مکتب به په عصري او هوښيار ډول ډيزاين او جوړ شي.
رپوټونه دا هم وايي چې وروسته له هغې چې د هرمزګان د سيمې د محلي چارواکو او د عتبه حسيني مسؤلانو تر منځ د همکارۍ تفاهمليک لاسليک شي، د دې مکتب د بنسټ اېښودو مراسم به د يو شمېر علماوو، سيمهييزو چارواکو او د ميناب د اوسېدونکو په ګډون تر سره شي. ميناب د ايران د جنوبي ولايت هرمزګان له ښارونو څخه دی.
