په احمدشاه بابا مېنه کې د ۱۳ تر ۱۶ بلاکونو نښلوونکي سرک څراغونه ولګېدل
د کابل ښاروالۍ اعلان کړی چې د احمدشاه بابا مېنې په دولسمه ناحیه کې د ۱۳، ۱۴، ۱۵ او ۱۶ بلاکونو ترمنځ د نښلوونکي سرک د څراغونو د نصب پروژه بشپړه شوې او د عامو خلکو د استفادې لپاره سپارل شوې ده.
د کابل ښاروالۍ د ساتنې او مراقبت د چارو تخنیکي مرستیال، محمد داوود زواب، ویلي چې د درې زره او پنځه سوه مترو په اوږدوالي دغه سرک کې ټول ۱۰۷ څراغپایه ګانې د څراغونو له لامپونو سره نصبول شوې دي ترڅو د شپې منظم رڼا تأمین شي.
د ده په وينا، له نصبول شویو څراغپایه ګانو څخه ۷۳ دوهشاخه او ۳۴ یوهشاخه دي چې دا به د مزل کوونکو د خوندیتوب د زیاتېدو، د ټرافیکي خوندیتوب د ښه کېدو، د ښاري جرمونو د کمېدو او د دې سیمې د اوسېدونکو د شپې تګ راتګ د اسانتیا سبب شي.
د کابل ښاروالۍ مسوولینو ویلي چې د دې پروژې ټول لګښت له نهه میلیونو افغانیو څخه زیات دی او یاد سرک تېر کال د اړوند ریاست لهخوا جوړ شوی و.
