د افغانستان ځانګړي اماني صندوق د زیانمنو کورنیو لپاره د خوندي استوګنځایونو ملاتړ اعلان کړ
د افغانستان ځانګړي اماني صندوق اعلان کړی چې د همکارو بنسټونو په همکارۍ به د هغو کورنیو لپاره د خوندي استوګنځایونو د جوړولو بهیر ملاتړ وکړي، چې زیانمنې دي، په ځانګړي ډول بېځایه شوي او راستنېدونکي کسان. دغه صندوق ټینګار کړی چې د استوګنځای ته لاسرسی د دغو کورنیو د ژوند د بیا جوړېدو لومړنی بنسټیز ګام بلل کېږي.
د دې بنسټ د خپرو شوو معلوماتو له مخې، د خوندي استوګنځایونو برابرول کولای شي د هغو کورنیو لپاره، چې د بېلابېلو بحرانونو له امله مجبورې شوې خپل کورونه پرېږدي، د امنیت، ثبات او له انساني کرامت سره د ژوند د بیا پیل زمینه برابره کړي.
په وروستیو کلونو کې د کورني بېځایهتوبونو زیاتوالی او د افغان کډوالو بېرته راستنېدنه له ګاونډیو هېوادونو څخه، په هېواد کې د استوګنځای او بنسټیزو خدمتونو اړتیا ډېره کړې ده. د مرستندویو بنسټونو لهخوا تل ټینګار شوی چې د مناسب استوګنځای نشتوالی، زیانمنې کورنۍ له روغتیایي، اقتصادي او ټولنیزو خطرونو سره مخ کوي.
د افغانستان ځانګړی اماني صندوق د ملګرو ملتونو له ملاتړ کوونکو میکانیزمونو څخه دی، چې د نړیوالو شریکانو په همکارۍ په افغانستان کې بشري او پراختیایي پروژې تمویل او ملاتړ کوي.
