ملګرو ملتونو: د برېښنا کموالی د افغانستان ښاري ژوند له ستونزو سره مخ کړی
د ملګرو ملتونو د بشر د استوګنې پروګرام (UN-Habitat) له لوري په ورکړل شوې نوې ارزونه کې ویل شوي چې د افغانستان زیات شمېر ښارونه له جدي برېښنايي کمښت سره مخ دي، او دا وضعیت د ښاري اوسېدونکو ورځنی ژوند په مستقیم ډول اغېزمن کړی دی.
د دغه راپور پر بنسټ، کورنۍ هره ورځ له پرلپسې برېښنا مزاحمتونو سره لاس و ګرېوان دي، سوداګریز فعالیتونه زیانمن شوي او ماشومان د برېښنا د نه شتون له امله نشي کولای چې د شپې مهال لوست وکړي؛ یوه مسله چې د زدهکړې پر کیفیت او ټولنیز سوکالۍ منفي اغېزه لري.
UN-Habitat ټینګار کړی چې د تجدید وړ انرژۍ په برخه کې هدفمندې پانګونې کولای شي د برېښنا د کړکېچ د راکمولو اړین حل وي او پر دې سربېره، دا پانګوالۍ به د دوامداره او راتلونکو ننګونو پر وړاندې مقاومو ښارونو د جوړښت سبب هم شي.
خو په ورته مهال، طالبانو له لوري د برېښنا د زیربنایي سکتور لپاره د روڼ پروګرامونو او مؤثرې پانګونې نشتوالي نړیوالې اندېښنې راپارولي دي. دا هغه موضوع ده چې افغان اتباعو او نړیوالو ادارو په وار وار د جدي پاملرنې او د مسئولینو د ځواب ویلو غوښتنه کړې ده.
