په خيبرپښتونخوا کې د يو زرو څخه زيات افغان مهاجران نيول شوي
د پاکستان له لوري د بېسند مهاجرانو پر ضد د عملياتو د شدت له امله، سلګونه افغان مهاجران د خيبرپښتونخوا په ايالت کې نيول شوي دي. د پاکستاني رسنيو د راپورونو له مخې، دغه نيونې له هغه پراخ کمپاین سره هممهاله پيل شوې چې د ناقانونه استوګنې پر ضد ترسره کېږي.
د پاکستان پوليسو ويلي، يوازې په پېښور ښار کې له يو زرو څخه زيات افغان مهاجران نيول شوي دي. ورکړل شوي شمېرې ښيي چې په ټوليز ډول ۱،۰۴۴ بېسنده مهاجران د دغو عملياتو پر مهال نيول شوي دي.
پاکستاني چارواکو ويلي، د دغې طرحې موخه د عامه نظم تأمين او د ممکنه پېښو مخنيوی دی چې د پولو د تاوتريخوالي له امله رامنځته کېدای شي. خيبرپښتونخوا هغه سرحدي ايالت دی چې له افغانستان سره ګډه پوله لري او له اوږدې مودې راهيسې د افغان مهاجرانو کوربه پاتې شوی دی.
په وروستيو مياشتو کې، په پاکستان کې د بېسنده افغان مهاجرانو د نيولو او شړلو لړۍ چټکه شوې ده، چې له امله يې د مهاجرانو د کورنيو تر منځ د نيول شويو کسانو د برخليک په اړه اندېښنې زياتې شوې دي.
