د پوتین او د صربستان د ولسمشر خبرې د اوکراین او لوېديځې اسيا په اړه
د روسيې د ولسمشرۍ ماڼې (کرملين) اعلان کړی چې ولاديمير پوتين د صربستان له ولسمشر سره د اوکراین پر حالاتو، د لوېديځې اسيا پر وضعيت او د دواړو هېوادونو پر دوه اړخيزو همکاريو خبرې کړې دي. دا خبرې د ټيليفوني تماس له لارې ترسره شوې او په سيمه ييزو او نړيوالو مهمو موضوعاتو تمرکز درلود.
د کرملين د اعلاميې له مخې، د اوکراين حالت او په لوېديځې اسيا کې د نښتو زياتوالی د دغه تماس اصلي محورها وو. دواړو لوريو د روانو بدلونونو او د هغو د اغېزو په اړه خپلو نظرونو شريک کړل.
په دې خبرو کې همدارنګه د مسکو او بلګراد ترمنځ د ستراتېژيکو همکاريو د پياوړتيا پر اهميت ټينګار شوی دی. د انرژۍ، تيلو، ګازو او هستوي سکتور په برخو کې همکارۍ هغه موضوعات وو چې د دواړو هېوادونو ولسمشرانو پرې سلا مشورې وکړې.
روسيه او صربستان په وروستيو کلونو کې سياسي او اقتصادي نژدې اړيکې درلودلې، او دا تازه تماس هم د همدې اړيکو د دوام په چوکاټ کې ارزول کېږي.
