استارمر: له ایران سره شخړه د برېتانیا جګړه نه ده
د برېتانیا لومړی وزیر ویلي دي چې له ایران سره احتمالي شخړه “زموږ جګړه نه ده” او لندن نه غواړي ځان دې وضعیت ته راکش کړي. هغه ټینګار وکړ چې برېتانیا به د خپلو وګړو د ژوند او د خپلو ګټو د ساتنې لپاره په سیمه کې دفاعي اقدامات وکړي.
کیير استارمر د دوشنبې په ورځ له سوداګریزو چارواکو د غونډې تر ترسره کېدو مخکې، په وینا کې چې د اسکای نيوز له خوا خپره شوه، وویل چې هېواد یې هیڅ پلان نه لري چې په دې کړکېچونو کې ښکېل شي. هغه زیاته کړه چې پرېکړې به یې د ملي ګټو د دفاع او د برېتانوي وګړو د امنیت پر بنسټ ترسره کېږي.
د برېتانیا د لومړي وزیر څرګندونې په داسې حال کې مطرح کېږي چې په منځني ختیځ کې روانې کړکېچنې اړیکې تل د اروپايي هېوادونو پر بهرنۍ تګلارې اغېز لرلی دی. برېتانیا د سیمې د یو پخواني لوبغاړي په توګه، معمولاً د خپلو امنیتي او اقتصادي ګټو د خوندیتوب پر اهمیت ټینګار کوي.
استارمر د یادې شوې شخړې د ماهیت په اړه نور جزئیات ورنه کړل، خو څرګنده یې کړه چې لندن به خپله تګلاره د اعلان شوو اصولو له مخې تنظیم کړي.
