سیلاب د کابل د شپږلسمې ناحیې کلینیک محاصره کړی
د کابل د شپې مهال د سختو بارانونو له امله، د دې ښار د شپږلسمې ناحیې یو روغتیایي مرکز د سیلابي اوبو له خوا محاصره شوی او د سیمې اوسېدونکي وايي، دغه مرکز له جدي دړې وړې کېدو سره مخ دی. د اوبو د سطحې لوړوالی لامل شوی چې د کلینیک پر لور تلونکي لارې وتړل شي او د ناروغانو او روغتیایي کارکوونکو تګ راتګ په بشپړه توګه بند پاتې شي.
یوشمېر اوسېدونکي وايي، سیلاب په ناڅاپي ډول راووته او د روغتیایي مرکز ټولې ورننوتې لارې یې بندې کړې. د هغوی په وینا، نه ناروغان کولای شي د درملنې خدمات ترلاسه کړي او نه هم کارکوونکي وتلای شي.
د شپږلسمې ناحیې اوسېدونکي ټینگار کوي چې تر اوسه د طالبانو د ادارې له خوا د سیلابي اوبو د مهار لپاره کومه مؤثره او بیړنۍ اقدام نه دی شوی. هغوی خبرداری ورکوي، که اوسنی وضعیت دوام وکړي، د دغه کلینیک ودانۍ او تجهیزات به له جدي زیان سره مخ شي.
د سیمې د خلکو په وینا، دغه روغتیایي مرکز زرګونو کورنیو ته درملنې خدمتونه وړاندې کوي او د ښار په دې برخه کې له معدودو لاسرسي وړ مرکزونو څخه دی. اوسېدونکي له چارواکو غواړي چې په عاجله توګه د عملې ګامونه واخلي، د مرکز د ویجاړېدو مخه ونیسي او د روغتیایي خدمتونو دوام ډاډمن کړي.
