د پاکستان د توپګو برید په اسعدآباد کې یو تن وژلی او ۱۶ کسان ټپیان دي
د طالبانو د ادارې د مرستیال ویاند حمدالله فطرت وايي، د پاکستاني ځواکونو له لوري یو ځل بیا د کنړ ولایت مرکز اسعدآباد ښار برخې د توپچي بریدونو لاندې راغلي دي. د ده په وینا، په دې بریدونو کې یو کس وژل شوی او لږ تر لږه ۱۶ تنه نور ټپیان شوي دي.
فطرت وايي، د دې پېښې قربانیان ملکي وګړي دي چې ډېری یې ښځې او ماشومان دي. نوموړي د ټپیانو انځورونه خپاره کړي او ادعا یې کړې ده چې په بریدونو کې د درنو وسلو څخه کار اخیستل شوی دی.
اسعدآباد د افغانستان او پاکستان د پولې ته څېرمه موقعیت لري، او په وروستیو کلونو کې یې هم ورته پېښې تجربه کړې دي. د دغه ډول بریدونو دوام د ځایي اوسېدونکو اندېښنې زیاتې کړې او دا پوښتنې یې راولاړې کړي چې د طالبانو اداره څنګه د سرحدي سیمو امنیت تامینوي.
د راپور تر خپرېدو پورې د پاکستان چارواکو د دغو ادعاوو په اړه رسمي غبرګون نه دی ښودلی.
