ايران د رياض د امریکايي برخې د تصفيې فابريکې پر ضد بريد کړی
راپورونه وايي، تيره شپه د رياض د نفت او ګاز د تصفيې فابريکې هغه برخه چې د امريکايي ځواکونو پورې اړه لري، د بريد هدف ګرځول شوې ده. د دغو راپورونو له مخې، له پېښې وروسته پرلهپسې چاودنې رامنځته شوې او پراخ اورلګېدنه د تصفيې په ساحه کې رامنځته شوې ده.
په ټولنیزو شبکو خپرو شويو انځورونو کې د لوګي ستنې او د اور لمبې ښکاري؛ خو تر اوسه د سعودي عربستان يا د امريکا متحده ایالاتو چارواکو د دې پېښې د جزئياتو په اړه څه نه دي ويلي.
د راپورونو له مخې، امريکايي پوځیان دا تصفيه د خپلو جنګي الوتکو د سونګ موادو د تدارک لپاره کاروله. دا الوتکې د شهزاده سلطان هوايي اډې کې په الخرج سيمه کې ځای پر ځای دي.
ويل شوي، که د سونګ د زېرمتون د ويجاړتيا خبر تایید شي، د دې جنګي الوتکو د سونګ رسونې بهیر به له ستونزو سره مخ شي. تر اوسه د مالي زيان او احتمالي تلفاتو په اړه خپلواکه معلومات نه دي خپاره شوي.
