مهم خبرونهنړیوال
پنتاګون د ایران ضد جګړې لپاره د ۲۰۰ میلیارد ډالرو اضافي بودیجې غوښتنه وکړه
یو د امریکا د حکومت چارواکي د واشنګټن پوست ورځپاڼې ته ویلي چې د امریکا د دفاع وزارت (پنتاګون) د ایران پر ضد جګړې لپاره د ۲۰۰ میلیارد ډالرو اضافي بودیجې غوښتنه کړې ده. دغه غوښتنه په داسې حال کې کېږي چې د امریکا دننه د دې احتمالي جګړې د درنو لګښتونو په اړه پراخې خبرې روانې دي.
د واشنګټن پوست د راپور له مخې، اټکلونه ښيي چې د امریکا او اسراییلو جګړه د ایران پر ضد کېدای شي د امریکا پر مالیه ورکوونکو باندې هره ورځ شاوخوا یو میلیارد ډالر لګښت ولري. دا شمېره یوازې د مستقیمو پوځي مصارفو یوه برخه ګڼل شوې ده.
ورځپاڼې همداراز لیکلي چې امریکا یوازې د دې جګړې په لومړۍ اوونۍ کې ۱۱ میلیارد ډالر مصرف کړي دي. لا تر اوسه د غوښتل شوې بودیجې د وېش څرنګوالي او د امریکا د کانګرس وروستۍ پرېکړې په اړه نور جزئیات نه دي خپاره شوي.
