نیویارک ټایمز: محمد بن سلمان له ټرمپ سره د ایران په اړه منظمه اړیکه نیولې
د نیویارک ټایمز ورځپاڼې راپور ورکړی چې د سعودي عربستان ولیعهد محمد بن سلمان په منظم ډول له د امریکا د ولسمشر ډونالډ ټرمپ سره په اړیکه کې دی او له هغه یې غوښتي چې د ایران د اسلامي جمهوریت پر وړاندې لا سخت دریځ خپل کړي.
د راپور له مخې، دا اړیکې په داسې حال کې شوي چې له جګړې د پیل نه مخکې هم داسې راپورونه خپاره شوي وو چې سعودي عربستان د ایران پر وړاندې د امریکا له پوځي اقدام سره لیوالتیا لري. نیویارک ټایمز د احتمالي خبرو د منځپانګې په اړه زیات جزییات نه دي ورکړي.
په عین حال کې، د سعودي عربستان د دفاع وزارت ویلي چې له نیمې شپې څخه د دوشنبې تر سهار پورې یې ۶۱ بېپیلوټه الوتکې په ختیځو سیمو کې نیولي او ویجاړې کړي دي. د دې وزارت په وینا، دغه عملیات د مهمو تاسیساتو او استوګنځایونو د خوندیتوب لپاره د دفاعي تدابیرو په چوکاټ کې ترسره شوي دي.
د سعودي عربستان ختیځ سیمه د دې هېواد له مهمو سیمو شمېرل کېږي، ځکه هلته د هېواد د نفتي تاسیساتو یوه مهمه برخه موقعیت لري او تل یې د امنیت له پلوه ځانګړی اهمیت درلودی.
