په عراق کې نوې شخړه؛ د امریکا سفارت د بېپيلوټه الوتکې هدف ګرځېدلی
د عراق ډلې «سرایا اولیاء الدم» اعلان کړی چې په تېرو ۲۴ ساعتونو کې یې لږ تر لږه اته بریدونه د امریکا پر اډو دننه او له عراق څخه بهر ترسره کړي دي. دا ادعا په داسې حال کې کېږي چې د امریکایي ځواکونو د حضور پر سر شخړې لا هم دوام لري.
د مهر خبري اژانس د شهاب په حواله راپور ورکړی چې دې ډلې د بریدونو مسؤلیت منلی او ویلي یې دي چې ټاکلي هدفونه یې په څو سیمو کې په نښه کړي دي. خو تر اوسه د تلفاتو او یا احتمالي زیانونو په اړه نور جزئیات نه دي خپاره شوي.
په همدې مهال، له دې خبر خپرېدو څو شېبې مخکې، د امریکا سفارت په بغداد کې د یوې بېپيلوټه الوتکې برید هدف وګرځېد. عراقي امنیتي سرچینو تایید کړې چې د سفارت اړوند لوژستیکي ملاتړ اډه هم په بغداد کې د بېپيلوټه برید لاندې راغلې ده.
د امریکا رسمي چارواکو تر اوسه د دغو پېښو په اړه څه نه دي ویلي. بغداد په وروستیو کلونو کې څو ځله د ورته بریدونو شاهد پاتې شوی دی، هغه بریدونه چې معمولاً د وسلهوالو ډلو له لوري د امریکا د پوځي حضور پر وړاندې د مخالفت په لړ کې ترسره کېږي.
