طالب چارواکي د څلور الوتکو له لارې غور ته لېږدول شوي
د غور سيمې ځايي سرچينې وايي، د طالبانو د ادارې يو شمېر چارواکي نن سهار، د شنبې په ورځ، د څلورو چورلکو په وسیله دې ولایت ته انتقال شوي دي. د دغو سرچينو په وينا، دا لېږد د پاکستان د احتمالي بريدونو له امله د زياتېدونکو اندېښنو په ترڅ کې ترسره شوی دی.
څلور بېلابېلې سرچينې آماج نيوز ته ويلي، چې دغه چارواکي د تیارسۍ په حالت کې غور ته رسېدلي دي. تر اوسه د طالبانو اداره د یاد انتقال د جزییاتو او د لېږد شوو کسانو د کره شمېر په اړه څه نه دي ويلي.
له دې وړاندې هم راپورونه ورکړل شوي وو، چې د طالبانو د ادارې يو شمېر چارواکي د چورلکو په وسیله بامیانو او دايکنډي ولایتونو ته لېږدول شوي دي. دا کړنې په داسې حال کې ترسره کېږي، چې د امنیتي تاوتریخوالي او د هېواد د بېلابېلو سیمو د زیانمنېدنې په تړاو اندېښنې لا زیاتې شوې دي.
کارپوهان باور لري، چې د لوړو چارواکو د انتقال چارې مرکزي ولایتونو ته د طالبانو د ادارې په دننه کې د امنیتي وضعیت په اړه د جدي اندېښنې څرګندونه کوي؛ هغه موضوع چې یو ځل بیا د دې ادارې د هېواد په کچه د امنیت د تأمین توان تر پوښتنې لاندې راولي.
