د امريکايي رادارونو زيان د اسرائيل د توغنديو د خبرداري وخت کم کړی
د اسرائيلو رسنيو راپور ورکړی چې د ايران د ممکنه توغنديو د بريدونو پر وړاندې د خبرداري وخت په هغو سيمو کې چې د اسرائيل تر کنټرول لاندې دي، شاوخوا يوې دقيقې ته راکم شوی دی. د دوی په وينا، دا بدلون د سيمې په ځينو برخو کې د امريکايي رادارونو د زيانمنېدو له امله رامنځته شوی دی.
د دغو راپورونو له مخې، د امريکايي راداري سيستمونو زيان د توغنديو د پېژندنې او څارنې بهير له ستونزو سره مخ کړی او د غبرګون وخت يې په څرګنده توګه راکم کړی دی. يادې رسنۍ وايي، تر دې وړاندې د خطر زنګونه لږ تر لږه اته دقيقې مخکې له احتمالي لګېدنې څخه غږېدل.
په همدې حال کې، دا سرچينې ادعا کوي چې ايران يو ازمايښتي توغندی توغولی چې د ځينو څار سيستمونو د تېرېدو توان لري. د دوی په وينا، د دغه توغندي پېژندنه يوازې هغه مهال ممکنه ده چې نږدې هدف ته رسېدلی وي.
دا راپورونه په داسې حال کې خپرېږي چې د ايران د توغنديو وړتياوې همېشه د منځني ختيځ د کړکېچونو له اصلي موضوعګانو څخه دي او د سيمې او نړيوالو لوبغاړو له خوا په دقت څارل کېږي.
