په پنجشیر کې د طالبانو اداره: له څلور زره څخه ډېر اوسېدونکي د پاکستان پر ضد جګړې ته نومليکنه کړې
د طالبانو د ادارې د امنیې قوماندانۍ ویاند په پنجشیر ولایت کې ویلي چې د طالبانو او پاکستان ترمنځ د تاوتریخوالي له زیاتېدو سره سم، د دې ولایت ۴ زره او ۱۷۶ اوسېدونکو د جګړې سیمو ته د لېږلو لپاره نوم ثبت کړی دی.
حقمل سعید ویلي، دغه کسان په خپله خوښه او د پاکستاني ځواکونو پر ضد د مقابلې په موخه نومليکنه کړې ده او د نوملیکنې بهیر لا هم روان دی. د هغه په وینا، دا اقدام وروسته له هغې شوی چې د دواړو غاړو ترمنځ د سرحدي پوله په اوږدو کې نښتې زیاتې شوې دي.
په تېرو ورځو کې داسې راپورونه خپاره شوي چې په ځینو سرحدي سیمو کې ډزې او تاوتریخوالی زیات شوی، هغه موضوع چې د ګاونډیو سیمو اوسېدونکي یې د ناامنۍ د پراخېدو له امله اندېښمن کړي دي.
د ولایتونو څخه د رضاکارو د لېږلو یادونه په داسې حال کې کېږي چې د سرحدي نښتو دوام کولای شي پراخ امنیتي او انساني زیانونه د سیمې اوسېدونکو ته ورسوي. تر اوسه د طالبانو لهخوا د دغو کسانو د تنظیم څرنګوالي او د هغوی د احتمالي برخلیک په اړه نور جزییات نه دي ورکړل شوي.
