اردوغان: ایران د د اسرائیل له پاروونکو بریدونو لاندې دی
د ترکیې ولسمشر رجب طیب اردوغان ویلي چې د ده په وینا، ایران د اسرائیل د پاروونو په نتیجه کې د بریدونو هدف ګرځېدلی او دا بریدونه لا هم دوام لري. نوموړي څرګنده کړه چې ترکیه د سیمې د شخړو د لا پراخېدو د مخنیوي لپاره خپلې ټولې امکانات بسیج کړي دي.
اردوغان دا څرګندونې د سهشنبې په ورځ په انقره کې د ترکیې د ولسمشرۍ ماڼۍ په يوه مراسم کې وکړې. د هغه په وینا، انقره په داسې حال کې چې سیمه د چټکو او پېچلو بدلونونو شاهده ده، خپلو هڅو ته د سولې او ثبات د تامین لپاره په پوره پریکړتیا دوام ورکوي.
د ترکیې ولسمشر زیاته کړه چې هېواد یې د سولې، خبرو او مذاکرې پر بنسټ د ډیپلوماسۍ له لارې په جدي توګه د عادلانه او منصفانه حللارو د موندلو لپاره کار کوي. هغه د دې چلند موخه د لا زیاتې وینې بهېدو او د نوو دښمنیو د رامنځته کېدو د مخنیوي هڅې وبللې.
دغه څرګندونې په داسې حال کې شوي چې د منځني ختیځ په ځینو برخو کې ترینګلتیا زیاته شوې او د سیمې هېوادونه هڅه کوي د شخړو د پراخېدو مخه ونیسي.
