طالبانو په تېرو څلورو کلونو کې ۱۵۰۰ مخابراتي سایټونه جوړ کړي
د طالبانو د ادارې اقتصادي مرستیالۍ اعلان کړی چې د تېرو څلورو کلونو په موده کې، په ټوله افغانستان کې ۱۵۰۰ نوې مخابراتي ساحې جوړې شوې دي. د دې ادارې په وینا، له دې جملې څخه ۳۰۰ سایټونه د اترا ادارې لهخوا او ۱۲۰۰ نور د خصوصي شرکتونو لهخوا جوړ شوي دي.
د ورکړل شویو معلوماتو له مخې، د هر مخابراتي سایټ د جوړولو لګښت شاوخوا اته میلیونه افغانۍ اټکل شوی دی. دغه پروژې ۳۰ ولسوالۍ، یو شمېر لویې لارې او همدارنګه ځینې سرحدي سیمې د مخابراتي خدمتونو تر پوښښ لاندې راوستي دي.
د مخابراتي زیربناوو پراختیا په داسې هېواد کې لکه افغانستان، چې ځینې برخې یې له سختې جغرافیې او د نفوس له بېپراختیا سره مخ دي، د اړیکو د پراختیا او ډیجیټلي خدمتونو د لاسرسي لپاره بنسټیز اړتیا بلل کېږي. خو سره له دې، لا تر اوسه په دې اړه چې دا سایټونه څنګه عادلانه وېشل شوي او د مخابراتي خدمتونو په کیفیت یې عملي اغېز څومره دی، نور جزئیات نه دي وړاندې شوي.
