یونیسف: ۲۲ میلیونه افغانان د بشري مرستو اړ دي
د ملګرو ملتونو د ماشومانو اداره (یونیسف) په خپل تازه راپور کې ویلي چې په ۲۰۲۶ کال کې نږدې ۲۲ میلیونه کسان په افغانستان کې د بشري مرستو اړتیا لري، چې دا شمېره د هېواد شاوخوا نیمايي اوسېدونکي جوړوي.
د راپور له مخې، له دغو اړمنانو څخه ۱۱ اعشاریه ۶ میلیونه ماشومان دي، چې دا د بشري کړکېچ د ژورتیا او د دې کړکېچ د پراخ اغېز څرګندونه کوي پر د افغانستان پر کوچني نسل.
یونیسف همدارنګه خبرداری ورکړی چې د روان کال د بشري پروګرامونو د پلي کولو لپاره ۹۴۹ اعشاریه ۱ میلیونه ډالرو ته اړتیا لري، خو تر اوسه یوازې ۴۲ سلنه دغه بودیجه برابره شوې ده.
د مالي سرچینو کمښت په داسې حال کې راپورته شوی چې افغانستان د وروستیو کلونو د سیاسي بدلونونو او د طالبانو د محدودیتونو له امله له ژورو اقتصادي او ټولنیزو ستونزو سره مخ دی. د مرستندویه بنسټونو په وینا، که دا وضعیت دوام وکړي، د میلیونونو افغانانو لاسرسی د بنسټیزو خدمتونو لکه زدهکړې، روغتیا او تغذیې ته له جدي ګواښ سره مخامخېږي.
