د ايران څلور لوړپوړي پوځي چارواکي د امريکا او اسرائيلو په بريد کې وژل شوي
د دفاعي ارزښتونو د ساتنې او خپرولو بنسټ اعلان کړی چې د ايران د وسلهوالو ځواکونو د عمومي ستاد رئيس، د دفاع وزير، د سپاه پاسداران عمومي قوماندان او د ايران د دفاع شورا منشي د امريکا او اسرائيلو د پوځي تېري په نتيجه کې وژل شوي دي. د دې اعلاميې له مخې، پېښه پرون د دفاع شورا د غونډې پر مهال رامنځته شوې ده.
په هغه لېست کې چې لهخوا د ياد بنسټ خپور شوی، د امير سپهبد سيد عبدالرحيم موسوي، د وسلهوالو ځواکونو د عمومي ستاد رئيس، د سردار سپهبد محمد پاکپور، د اسلامي انقلاب د سپاه پاسداران عمومي قوماندان، د امير درياسالار علي شمخاني، د عمومي قوماندان سلاکار او د دفاع شورا منشي، او د امير سرلښکر عزيز نصيرزاده، د دفاع او د وسلهوالو ځواکونو د ملاتړ وزير نومونه شامل دي.
په اعلاميه کې ويل شوي چې د دغه بريد مسئوليت د امريکا متحدو ايالتونو او اسرائيلو ته منسوب شوی او زياته شوې چې د نورو احتمالي قربانيانو نومونه به وروسته اعلان شي.
