۳۴۲۰ بېرته راستانه زدهکوونکي به په ننگرهار کې خصوصي ښوونځيو ته شاملېږي
د کډوالو او بېرته راستانه شويو چارو رياست اعلان کړی چې په ننگرهار ولايت کې ۳۴۲۰ تازه بېرته راستانه شوي زدهکوونکي به په وړيا ډول د ۳۸۴ خصوصي ښوونځيو زدهکوونکو په منځ کې شامل شي. د چارواکو په وينا، دا بهير به د يو رسمي تړون له مخې د يوه تعليمي کال لپاره عملي شي.
د يادې ادارې په يوې خبرپاڼې کې راغلي چې د دې پروګرام د يو تعليمي کال لګښت شاوخوا يو نيم ميليون افغانۍ اټکل شوی دی. دا بوديجه د هغو زدهکوونکو د زدهکړو لګښتونو د پوښښ لپاره ځانګړې شوې چې له راستنېدو وروسته د زده کړې له ستونزو سره مخ شوي دي.
ننگرهار هغه ولايت دی چې په وروستيو مياشتو کې د افغانستان د ګڼو کورنيو د راستنېدو شاهد پاتې شوی، او د راستنو شويو ماشومانو لپاره د زدهکړو زمينه برابرول د دې ولايت له اساسي ستونزو څخه شمېرل کېږي.
خو تر اوسه دا نه ده څرګنده چې د طالبانو اداره د دې زدهکوونکو د دوامدارې ادغام لپاره څه اوږدمهاله پلان لري او آيا دا مرستې به د تعليمي کال له پاي ته رسېدو وروسته هم دوام وکړي او که نه. د ښوونې او روزنې کارپوهان ټينګار کوي چې د راستنېدونکو زدهکوونکو د تعليمي وضعيت دوامداره پاملرنه د روښانه پلان او دايمي مالي سرچينو ته اړتيا لري.
