د افغانستان لپاره د بريتانيا د ويزې د ځنډ احتمال
د بريتانيا د اصلاحاتو ګوند ويلي چې ښايي د افغانستان په ګډون د ځينو هېوادونو د اتباعو لپاره د ويزې ورکولو بهير وځنډېږي. دغه ګوند څرګنده کړې چې که دغه هېوادونه هغه مهاجر ونه مني چې د بريتانيا د قوانينو له مخې د پاتې کېدو قانوني حق نهلري، نو د ويزې صادرولو بهير به سمدلاسه بند شي.
د ګوند وياند، ضيا يوسف، اعلان کړی چې هغه هېوادونه لکه پاکستان، افغانستان او سوريه به د ويزې د ځنډ له پريکړې سره مخ شي که د خپلو هغو اتباعو د منلو څخه ډډه وکړي چې د بريتانيا د قوانينو له مخې د پاتې کېدو اجازه نهلري.
ده ټينګار وکړ چې دا اقدام د اصلاحاتو د ګوند د وړانديز شويو مهاجرتي تګلارو يوه برخه ده، چې موخه يې د مهاجرت مديريت او د پولې کنټرول پياوړتيا ده.
بريتانيا په وروستيو کلونو کې د ناقانونه مهاجرت او د هغو کسانو د بېرته لېږلو په اړه له زياتو بحثونو سره مخ ده، چې د پناه غوښتنې غوښتنې يې رد شوي. لا تر اوسه څرګنده نهده چې دغه طرحه به کله او په کوم چوکاټ کې عملي شي.
