امنیت او پېښېمهم خبرونه
په بنو ښار کې د پاکستاني پوځ پر موټر ځانمرګی برید شوی
پاکستاني رسنۍ راپور ورکوي چې يو ځانمرګی بريد د دې هېواد د پوځ د سرتېرو پر موټر په بنو ښار کې، چې د خيبرپښتونخوا ايالت پورې اړه لري، شوی دی.
د راپورونو له مخې، بريدګر د چاودېدونکو توکو څخه ډک موټرسايکل د پوځ له موټر سره جنګولی او له هغې وروسته چاودنه رامنځته شوې ده. تر اوسه د دې پېښې د احتمالي تلفاتو په اړه جزئيات نه دي خپاره شوي.
د پاکستان چارواکو تر د دې خبر د خپرېدو پورې د وژل شوو يا ټپي شوو کسانو په اړه څه نهدي ويلي، او دا هم نه ده روښانه چې په موټر کې څومره سرتېري موجود وو.
تر اوسه کومې وسلوالې ډلې د دې بريد مسئوليت نهدی منلی. خيبرپښتونخوا ایالت په تېرونو کلونو کې د ورته امنيتي پېښو شاهد پاتې شوی او د دغې سيمې د امنيتي وضعيت په اړه اندېښنې لاهم دوام لري.
