واتيکان د ټرمپ د سولې شورا سره له يوځای کېدو انکار وکړ
واتيکان اعلان کړی چې د امريکا د ولسمشر ډونالډ ټرمپ له لوري د غزې د تړانګې د وضعیت د څېړنې لپاره د وړاندیز شوې سولې شورا سره به یوځای نه شي. دا دریځ په داسې حال کې څرګند شوی چې د ایټالیا حکومت د دغې طرحې ملاتړ کړی او دا یې د تاوتريخوالي د کمېدو پر لور یو ګام ګڼلی دی.
د نړيوالو رسنيو د راپورونو له مخې، واتيکان ټینګار کړی چې د نړيوالو کړکېچونو حل باید د ملګرو ملتونو په محور کې تعقیب شي او د دې نړیوال بنسټ رول باید له پامه ونه غورځول شي. دغه مذهبي بنسټ د نړيوالو شخړو په اداره کې د څو اړخیزو چوکاټونو د ساتنې غوښتنه کړې ده.
په همدې حال کې، یو شمېر نورو اروپایي هیوادونو لکه فرانسه، آلمان او بریتانیا هم د ټرمپ د سولې شورا سره د یوځای کېدو مخالفت څرګند کړی دی. دا دریځونه د غزې د کړکېچ د مدیریت په اړه د ځینو اروپایي حکومتونو ترمنځ د نظر اختلاف څرګندوي.
ټرمپ په داسې حال کې د غزې په تړانګه کې د سولې د هڅو خبره کوي چې که څه هم د تلابیب او حماس ترمنځ د اوربند هوکړه لاسلیک شوې، خو راپورونه ښيي چې بریدونه لا هم روان دي؛ یو موضوع چې د دایمي ثبات د ترلاسه کولو بهیر له جدي ننګونو سره مخ کړی دی.
